श्री.सुधीर वासुदेव कांदळकर.
About the Author
२००८ साली ललित लेखन सुरू झाले. प्रवासाची आवड होतीच. त्यामुळे प्रवासवर्णन लिहिणे ओघानेच आले. शास्त्रीय विषयावरील वाचन शाळेपासून सुरू होते. त्यामुळे खासकरून सेवानिवृत्तीनंतर शास्त्रीय विषयावरील लेखन पण महाजालावर झाले. हिटलरचे पूर्वायुष्य, व्यावसायिक क्षेत्रातली स्त्रीपुरुषातली स्पर्धा अशा वेगळ्या विषयावरील लेखन तसेच मनोरंजक आठवणीपर लेख असेही अवांतर लेखन महाजालावर झाले. मनमोकळे आणि त्वरित वाचायला मिळणारे प्रतिसाद हे महाजालावरील लेखनाचे एक खास वैशिष्ट्य. रसिक आणि विद्वान वाचकांच्या मनमोकळ्या प्रतिसादांतून लेखनातील उणीवा उतरोत्तर कमी होऊन शैली विकसित होत गेली.
